خولێک بۆ چاره‌سه‌رکردنی کێشه‌ی بووک وخه‌سوو

له‌ عه‌ره‌بستانی‌ سعودییه‌ خولێک کراوه‌ته‌وه‌ به‌مه‌به‌ستی‌ راهێنانی‌ بووک بۆئه‌وه‌ی‌ له‌گه‌ڵ خه‌سوویدا بگونجێت!

به‌گوێره‌ی‌ هه‌واڵێکی‌ ئاژانسی‌ په‌یامنێر، له‌ وڵاتی‌ سعودییه‌ و له‌ ژێر دروشمی‌ (خه‌سووم ژیانی‌ منه‌)،رێکخراوێک خولێکی‌ کردۆته‌وه‌ بۆ ئه‌و کچانه‌ی‌ که‌ له‌ ته‌مه‌نی‌ شوکردندان تاوه‌کو مه‌شقیان  پێبکه‌ن چۆن له‌گه‌ڵ خه‌سوویاندا باش بن و خۆیان بگونجێنن.
له‌وباره‌یه‌وه‌، خاتوو وه‌فا غامیدی‌ سه‌رۆکی‌ رێکخراوه‌که‌ له‌ لێدوانێکدا رایگه‌یاند: که‌ ئامانجی‌ رێکخراوه‌که‌یان له‌ کردنه‌وه‌ی‌ ئه‌و خوله‌، بۆ باشکردنی‌ په‌یوه‌ندی‌ نێوان بوکو خه‌سووه‌، تاوه‌کو بوک هه‌وڵبدات رۆڵێکی‌ باش بگێڕێت له‌ دروستکردنی‌ سۆزو خۆشه‌ویستی‌ له‌چوارچێوه‌ی‌ خێزاندا