ژنێکی ملیۆنێر به‌دوای پیاودا ده‌گه‌ڕێت

ژنێکی ملیۆنێری به‌ دوای پیاوێکدا ده‌گه‌ڕێت که‌ به‌دڵی خۆی بێت و شووی پێ بکات و چه‌ند مه‌رجێکیشی بۆ ئه‌و که‌سه‌ داناوه‌ که‌ ده‌بێته‌ مێردی.

ئه‌و ژنه‌ سعودییه‌ ئه‌و نه‌ریته‌ باوه‌ ده‌شکێنێت، که‌ ته‌نیا پیاو به‌دوای ژندا ده‌گه‌ڕێت، ئه‌مه‌ له‌کاتێکدا که‌ هاوڕه‌گه‌زه‌کانی خۆی له‌و وڵاته‌ توانای بڕیاردانی هه‌ڵبژاردنی جلوبه‌رگه‌کانی خۆشیان نییه‌ و دین و کۆمه‌ڵگه‌ مه‌رجی جلوبه‌رگیان بۆ دیاریده‌کات.
ئه‌و ژنه‌ سعودییه‌که‌ ته‌مه‌نی 55 ساڵه‌ و وه‌ک خۆی ده‌ڵێت: "به‌دوای پیاوێکدا ده‌گه‌ڕێم، به‌مانای وشه‌ پیاو بێت"، ئه‌و له‌وه‌سفی خۆیدا ده‌ڵێت: "ڕاسته‌ ته‌مه‌نم هه‌یه‌، به‌ڵام دڵێکی ته‌ڕ و گه‌نجانه‌م هه‌یه‌ و ده‌خوازم ئه‌و پیاوه‌ی بۆی ده‌گه‌ڕێم ده‌بێت به‌مه‌رجه‌کانم ڕازی بێت، له‌سه‌رووی هه‌موویانه‌وه‌ ده‌بێت که‌سه‌که‌ له‌به‌ر سه‌روه‌ت و سامانه‌که‌م منی نه‌وێت، به‌ڵکو خۆمی بووێت".
ژنه‌ سعودیه‌که‌ پێشتر شووی کردووه‌ و چوار منداڵی هه‌یه‌ و وتی: "له‌به‌رئه‌وه‌ی مێرده‌که‌ی ترم له‌به‌ر سامانه‌که‌م منی ده‌ویست، بۆیه‌ بڕیارمدا لێی جیاببمه‌وه‌"، بۆیه‌ وتی: "ئه‌مجاره‌ پیاوێکم ده‌وێت و به‌شێوازی میسیار شووی پێده‌که‌م و مه‌رجی تریشم ئه‌وه‌یه‌ که‌ هاوکار و پشتیوانم بێت له‌ ژیانمدا و ڕاوێژکار و چاودێری کار و پرۆژه‌ وه‌به‌رهێنه‌ره‌کانم بێت".