چاوڕه‌شکردنی‌ زۆر زیان به‌خانمان ده‌گه‌یه‌نێت

ه‌پێی‌ لێکۆڵینه‌وه‌کان که‌له‌چه‌ند بلاَوکراوه‌یه‌کی‌ جیهانیدا بلاَوکراوه‌ته‌وه‌ تیایدا هاتووه‌، زۆری‌ ڕه‌شکردنی‌ چاو،  زیانی‌ بۆ بینایی‌ خانمان هه‌یه‌ به‌تایبه‌تی‌ ئه‌و جۆره‌ مادانه‌ی‌ که‌بۆ ڕه‌شکردنی‌ چاوی‌ ئافره‌تان له‌ولاَته‌ عه‌ره‌بییه‌کان به‌کارده‌هێنرێت به‌هۆی‌ بوونی‌ ڕێژه‌یه‌کی‌ زۆر له‌ ماده‌ی‌ (ڕه‌ساس) تیایدا

پاش وه‌رگرتنی‌ چه‌ند نمونه‌یه‌ک له‌وجۆره‌ مادانه‌ی‌ که‌ بۆ ڕه‌شکردنی‌ چاوی‌ خانمان به‌کارده‌هێنرێت ده‌رکه‌وتووه‌ هه‌ندێک جۆری‌ ماده‌ی‌ ڕه‌شکردنی‌ چاو ڕێژه‌ی‌ ماده‌ی‌ ڕه‌ساسی‌ (80%بۆ 100%)تێدایه‌  که‌ زیانێکی‌ زۆری‌ هه‌یه‌ چونکه‌ ئه‌و ماده‌یه‌ جۆره‌ ژه‌هرێکی‌ تیادایه‌ که‌ زیان به‌ (مێشک) ده‌گه‌یه‌نێت و ڕێژه‌ی‌ مردنیش له‌به‌کارهێنانی‌ ئه‌و جۆره‌ ماده‌یه‌ زیاتره‌.

پسپۆڕانی‌ ولاَتانی‌ ئه‌وروپاش ئه‌و بۆچوونه‌یان ڕه‌تکرده‌وه‌،  که‌ بلاَوه‌ و ده‌ڵێت ڕه‌شکردنی‌ چاو ده‌بێته‌ هۆی‌ به‌هێز بوونی‌ بینین و پڕکردنی‌ برژانگه‌کان پسپۆڕانی‌ بواره‌کانی‌ جوانکاری‌ ئێستا جۆرێک قه‌ڵه‌می‌ ڕه‌شکردنی‌ چاویان دروستکردوه‌ که‌هه‌ردوو ماده‌ی‌ ئاسن و کاربۆنی‌ تیادایه‌ که‌به‌هیچ شێوه‌یه‌ک زیان به‌چاوی‌ خانمان ناگه‌یه‌نێت.