ئافرەت گرانە یان میوە لە ئەورۆپا؟

ئەمە قسەى یەکێک لە ئافرەتەکانى ووڵاتى دیموکراسى و ئازادی و یەکسانى پیاو و ئافرەتانە..!!!! هەرچەندە لە ڕوکەشدا ئافرەتانى ڕۆژئاوا وادەردەکەون کە ئازادبن بەڵام لە ڕاستیدا کۆیلەیەکە لە بەرگى ئازادیدا ، کاتێک لەسەر شاشەى تەلەفزیۆن و سەتەلایتەکان و سیدیەکان سەیریان دەکەى وادەزانیت بەڕێز و بەکەرامەتە !!

بەڵام لەڕاستى دا سوک و سوکایەتى پێکراوە ، بەڵام ئەوان ئاخ و حەسرەت هەڵدەکێشن ئارەزووى ئەو ژیانە دەکەن کە ئافرەتى موسڵمانى تێدایە ، دەى خوشکە ئازیزەکەم بیربکەرەوە و شانازى بکە بەو ژیانەى کەتۆى تێداى و بە هەموو ئافرەتانى ڕۆژئاوا و دواکەوتەى مۆدیل بڵێ: ئەگەر ئێوە بە داهێنراوى و شارستانیەتى زانستیەوە دەنازن ، ئەوا من بەداب و نەریت و ڕەوشت و شارستانیەتى ئیسلام و داب و نەرێتى کوردەواریەوە شانازى دەکەم .
پێیان بڵێ: ئەگەر ئێوە دینەکەتان بەلاوە بێبەها بووە یاخود هەردینتان نیە ئەوا من ئەزیزترین شت بەلامە وە دین و بیر و باوەڕەکەمە.
پیان بڵێ: ئەگەر ئێوە لەوێ بابەتى هەمەجۆرى پیاوى پڕ لە حەزوو ئارەزوون ، ئەوا من لێرە لە ووڵاتى بەها و عەقڵ ، شارى مەملەکەتە بچکۆلەکەى خۆم ،داوێن پاکانە لەلاى هاوسەرى خۆم دەژیم کەماف و ئازادى خۆم و منداڵەکانم وەک ژیانى خۆى دەپارێزێت .
پیان بڵێ: من لە ووڵات و نیشتمانى خۆمدا خۆشەویستى دڵەکانم و لەگەڵ خێزانەکەمدا نیشتمانمان دڵى یەکە ئەو کاتەى کە پیردەبم و پشتم دەچەمێتەوە گەورەى ماڵم ، هەمووان پێشبڕکێى ئەوەیانە کە دڵم خۆش بکەن ، بەڵام تۆ لە لاوێتى دا کۆت و کۆیلەى ئازارەکانتى و لە چێشتخانە و میوانخانەکاندا خزمەتکارى ……..هتد ، لە پیریشدا چارە ڕەش و بێزراویت ، جا بۆیە کچە کوردى موسڵمان ئازابە ، مەترسە ، بڕیاردەربە ، هەوڵبدە یەکێک بیت لەوانەى کە خواى گەورە وەسفى کردوویت

ئامادەکردنى:سوران مه ریوان